أسهل طريقة للاستقبال إشارة شبكات الدش الهوائية فى جميع المحافظات
ازاي تجهز الرسيفر بتاعك علشان يستقبل الشبكات الهوائيه . هنشوووف الخطوات ( هنضيف قمر جديد ) ده الافضل علشان منفقدش اي قمر ممكن نحتاجه في اي وقت نتابع الصور مع الخطوات .
1- من قائمة منيو بالريموت هنختار ( التركيب )
2- هنختار بعد كده قائمة ( الأقمار الاصطناعية )
3- من الريموت هنضغط الزر ( الأحمر )
4- هتظهر القايمه اللي منها هنكتب معلومات القمر ( دي بتاعتك بقي ممكن تسميه بإسمك لو تحب
5- كده القمر اضاف وبقي تمام زي الفل هنحدده كده
6- بعد الاضافه بقي دي خطوه مهمه ركز ( هنضغط من الريموت زر INFO علشان نضبط اعدادات القمر ) تمام اللي هما الاربع خطوات الجايين
7- نوع ال lnb ودي هنخليها مستخدم في حاله اذا كانت الشبكه بستخدم عدسه معدله لو عاديه هنسيبها علي الوضع الافتراضي
8- تردد lnb دي هنضبطها علي 10600 اذا كانت الشبكة بتستخدم عدسه معدله اما لو عاديه يبقي هتفضل علي الوضع الافتراضي
9- البند ده 22KHZ ده هنقفله في حاله العدسه المعدله والعكس لو العدسه عاديه
10- الخطوه دي طبعا معروفه الدايسك ده علي حسب ما هتركب العدسه في اي مدخل من الاربعه مداخل في حاله انك مش هتستخدم دايزك يبقي تفضل علي وضعيه ( لا )
كده كله تمام لكن القمر مفيهوش ترددات يبقي كده هنشوف هنضيفها ازاي فاكرين الخطوه 2 هنرجع لها لكن هنختار اللي هنشوفه في الخطوه الجايه
11- في الخطوه دي هنختار قائمة الترددات هيفتح طبعا علي ترددات النايل سات هنغيرها في الخطوه الجايه
12- هنضغط علي زر SAT من الريموت هتظهر القايمه اللي ف الصوره ومنها نختار القمر
13- وهنا هنضغط من الريموت علي الزر الأحمر علشان نبدأ نضيف تردد جديد
14- بعد اضافه التردد زي الصوره كده اضغط OK وابدأ اضبط إشارتك وانت واقف علي التردد ومبروك عليك
